كتب خالد كمال
إحنا مجتمعنا النهاردة والأجيال الجديدة للاسف بتفتقد القدوة الصالحة وبتتربى على القرف ده.
*الجيل ده اللى نشأ على أغنية.
_(مفيش صاحب بيتصاحب ومفيش راجل بقى راجل)!!!
_وعلى فيلم بيتقال فيه علنًا كده بين اتنين ستات.
“(مالك يامرة لو تعبانه خديلك نص أحمر)!!!
_و على مسلسلات بتتعرض في نهار رمضان فيها (رقص ومخدرات وخمره وتدخين الحشيش ودعارة )!!!
_ وقدوته بس دول.
(إبراهيم الأبيض وعبده موته والألماني ورفاعي الدسوقي وملوك الجدعنة) ومحمد رمضان ..أيقونة البلطجة
*الجيل ده نشأ على.
_(حمو بيكا ومجدي شطه وحسن شاكوش وعمر كمال)
*وشافوا الناس دي هي اللي معاها فلوس.
ودكاترة ممكن يكونوا بيشتغلوا في أوبر عشان يعرفوا يعيشوا!!!
_و نشأ على احتفال فيه (محافظ بيكرم رقاصة) ونادي رياضي بيعتبر رقاصة أم مثالية !!!
_و(برامج بتستضيف شوية عيال متسولين وسرسجية عملوا مهرجان شعبى منحط فى الوقت اللى حملة الماجستير يلهثون و لا أحد يسمع لهم ولايري أبحاثهم العلمية )!!!
_و نشأ على مهرجان بيتقال فيه :
“(أمك صاحبتي وأختك بترقص على مطوتي)!!!
_ ونشأ برضه على.
_(إن حمدي الوزير قدوة المُتحرشين وصاحب أشهر نظرة مُتحرش ومُغتصب في مصر)!!!
و(ممثلة بتحث علي مشاهدة الافلام الإباحية وممثل اخر بيطالب بإتساع المشاهد الإباحية على التليفزيون المصرى)!!!
_و(دكتوراة فخرية لمحمد رمضان)
“منتظر ايه من جيل بالشكل ده والبيئه دي ؟؟!!!
“هل ده جيل يقدر يشتغل وينتج ويفيد بلده في أي مجال ؟؟!!
“الجيل اللي بالمنظر ده لما يتجوز ويخلف هتبقى المحصلة إيه ؟؟!
*لو من كام سنة ورا كان مستحيل اتجرأ وأكتب كلام بالقذارة دى لكن الواقع بقى أقذر وأوسخ و الإسفاف والتفاهة والمستنقعات دى بيتصرف عليها ملايين في الأفلام.
بحجة إنها واقع ولازم يتغير
للأسف إحنا وصلنا لمرحلة ماتحت القاع ولازلنا مستمرين في الحفر !!
*الكلام ده معناه إن فيه أزمه حقيقية بيعيشها وهيعيشها المجتمع السنين اللي جاية !!!
“لأن الجيل الحالي بالوضع ده مش هيبنى وطن سليم ومحترم .
ولا هايشيل مسئولية!!
“”””””””””””””والحل””””””””””””””””
١- دعوة حقيقيه إلى الله في كل مكان.
٢- إراده حقيقية في إصلاح المجتمع من كل مسئول.
٣- وقف ماسورة الهباب اللي بيطفح على الأجيال الحالية.
٤- زرع قيمة القدوات الصالحة في نفوس وعقول الشباب.
5- اعلام نظيف واعى يبرز الجميل و المفيد وتسليط الضوء علي النمازج المشرفة بالمجتمع.
“”””””””””والخلاصة والنصيحة وخدها مني صحيحة “”””””””””””
*مشكلتنا فى مصر ليست مشكله اقتصادية.
*مشكلتنا وازمتنا فى افتقاد الأخلاق والقيم والقدوة الحسنة ووجود اعلام فاسد بيروج لبضاعه رخيصه .
*إحنا بس محتاجين ضميرنا يرجعلنا من تاني ويسكن جوانا
ساعتها حاجات كتير هاتتغير وينصلح حالها .
*سلااااااااااااام ياحبايب.
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب