قالت ميرفت …
غيرانة ودايما تتشاكل
وأنا دوغري وباصص أدامي
علي الحال ده
مشاكل في مشاكل
وتقول هتسيبني وتنساني
رنة تليفون ومكملتشي
نسهر في عتاب ولا بنّامشي
وإن غيبت في شغلي ومسألتش
يبقي يكون غيرها بيهواني
وإن رنيت مرة أطمنها
تقول ده مخبيلي إيه تااني
وأحلف بالله مبتسمعشي
وإن محلفتش متصدقشي
مش غيرة حب
ده مرارة و غلب
من الغيرة تعبت وآااه ياني
بتقول هتسيبني وتنساني
آل أنساها أل ياخواتي
أصلًا وأنا فاكر إيه حياتي ؟!
قولولها ياناس أنا بهواها
دي أول بختي الحلوة مراتي
لكن مش كده
ولا بالشكل ده
دي غيرتها خلاص هتجنني
خايف نهايتها ألقا وفاتي
مش غيرة حب
دي مراره و غلب
من الغيرة تعبت وآااه ياني
بتقول هتسيبني وتنساني
بقلمي
ميرفت امين
وقالت أمل …
يا خوااااااتيييي
الراجل ده بجد فلاتي
نسوانجي بطريقة مهولة
بيقولي يا روحي يا حياتي
وعينيه ع التانية مشغولة
بيكلمني ويرغي يوماتي
وأتاريني المية مش الأولي
وأنا دايبة وتعباني آهاتي
حاجة صعبة أوي ومش معقولة
ياخوااااااتيييي…
لا أنا قادرة أطنش وأسيبه
وأنا قلبي ملوش غيره حبيبه
وبحاول ألغوش وآعدي
ولنفسي بقولي يا بت أهدي
نار قايده ياناس كده جوايا
ونبي لو ييجي هنا لهِده
هيجنني وآه يا خواتييي…
الغيرة خلاص هتجنني
ولا حاجة منه تطمني
مشغول وتمللي بيقهرني
وأشكيله منه يثبتني
وأنا هبله وعايزة أني آصدق
ولا غِيره قلبي ممكن يعشق
وأدي حالي و أل مني بيزهق
وأعيط يشخط ويزعق
وأنا مالي ده حُبه مبهدلني
ومشعوط قلبي اللي واجعني
ونبي لو لف عليا الكون
عمره ما يلاقي كده في طيبتي
يا خواتيييي …منه وآه ياااانييي
أمل أمين
بقلم ميرفت أمين الخولي
وأمل أمين الخولي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب