أنا التايه بتوه مني
جوايا براح ولا يسعني
تفكير مميت يفتتني
بغرق في بحر أفكاري
وأتوه في سكتي ومشواري
أقول لنفسي اااه ياني
تعبت مني
أنا التايه ومش شايف
ويمكن أكون أنا خايف
أكون في مكاني هنا واقف
بعيد عن حلمي
أقول لنفسي اااه ياني
تعبت مني
ولما يزورني الحزن مرة
وأشوف دنيتي مره
والدموع تغرق عينيا
وبالقهر تقتلني
أقول لنفسي اااه ياني
تعبت مني
ولما أقابل الأحلام
وأشوفها ادامي ف المنام
زي بدر التمام
اصحى منها قلقان
ع واقع ظالمني
والنوم يخاصمني
أقول لنفسي اااه ياني
تعبت مني
أسرح كتير وأعيش الماضي
وأعيد قصصي وحكاياتي
أسيب نفسي
للمواجع تقليبني
وتسألني نفسي وتحاسبني
يقوم الفكر يقتلني
واتوه مني
أقول لنفسي اااه ياني
تعبت مني
تعبان أنا وعايش حيران
بين جنة الحلم وواقع نار
بالفكر دايما بلاقيني
محتار
لا عقلي ارتاح ولا قلبي اختار
جوايا ثورة براكين واعصار
واتوه مني
أقول لنفسي اااه ياني
تعبت مني
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب