أجمل تحية وكمان سلام
واحلي سهرة مفيش كلام
يحلي ما بنا الإنسجام
ومفيش عيون الليلة تنام
قالوا صحاب صدقت أنا
وفتحت قلبي يعيشوا فيه
وعطيت حنان وأديت هَنا
وياما قلبي أنا جيت عليه
أدام عيوني يمجدوا
وفي ظهري يرموني بسهام
وإياك عيونكوا الليلة تنام
خدّاع ياصاحبي ممثل كبير
علي كل لون ماشي بضمير
وعايزني أكون عبد وأسير
وأنت الملك وأنت الأمير
ده أنت اللي زيك نوع خطير
وانا طبعي في الدوغري وتمام
وأوعوا عيونكوا الليلة تنام
ميرفت أمين..
وقالت أمل ..
لأ مين ينام …
صلوا علي رسول الله …
الدنيا دي فيها العجب
بمزاجها دبش تحدفك
وبكيفها تلبسك ذهب
كل اللي فيها له ضمير
ريقوا نشف زي الحطب
واللي باعه وعاش أسير
مأنتخ ومشافش التعب
قدمت أنا بضميري خير
جبر الخواطر بدون طلب
صاحبي أو حتي غريب
لوجه ربي بعمله
بالأصول وبالأدب
طلع الأدب
في زماننا غيرررر
كتر الادب سبب عجب
ومن ساعتها ماشوفت خير
غيرة و نار
وموجة غضب
وصحابي لا لا …
ده الأمر خطير
أوعي في زماننا
تقول صديق ولا حبيب
تلبس خاذوق عند القمر
ياخدك تطير
خليك أسير
بيع الضمير
وإرضي الهوان
واتشتم وقول كمان
إياك تبوح وإنت مالك
مين أكل ومين شرب
إحنا في زماننا تعيش أسير
تكون مابين الناس أمير
وتلبس برضه تاج من ذهب
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب