لو اتكلمت عن أنا
هلاقيني تايه
من زمان
مش لاقيني
مش عارف
اشوفني ولا اقابلني
بدور عليا
في وشوش الناس
يمكن ألقي
في شبهي حد
أه والله
بكلم جد
انا مش لاقيني
وأما أبص في
مرايتي.
من الغربة
تبكي عيني
صدقوني مش ببالغ
دي حقيقه
أنا تايه
أنا تعبان
من الأحمال
من الأمال اللي
مبتتحققش
من الجروح
اللي مبتتقشرش
مبتخفش
مهما خدت مضاد
من الهجمات
أنا مش عارف
أنا فين ولا إمتي
أنا امبارح وألا بكرة
أنا ماشي مع التيار
والله جد
مهوش هزار
وسامحوني لو
مش بتلاقوني
أنا نفسي
بدور علي نفسي
ياريت ياأخوانا
لو صادفت وحد
فيكوا يوم شافني
تبلغوني
عشان افوق
وأصحي
من ظنوني
من همومي
من التوهة
اللي أنا فيها
أنا لا شارب
ولا سكران
أنا حد غلبان
بالتعب مليان
ومانيش موسي النبي
عشان ارمي العصاية
تبقي تعبان
انا من حر الصيف
تلجان
انا من برد الشتا
حران
انا زهقان
ياريت في
يوم من الايام
ألاقي نفسي
وأحضنها
وأطلب منها
السماح
وأطيب خاطرها
وأعوضها عن
اللي راح
أنا تايه
ومش لاقي
نفسي
رويدا عبد الحي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب