يادنيا الألوان ألوانك بهتانه
وفيكِ الناس مريضه وتعبانه
ونفوس قاسيه بوشوش طيبه
وقلوب سوده وعليها غيامه
فى الحقايق عميانه عنِينا
وبنمشي ورا قلوبنا المرضانا
فيكِ الألوان كترت ياما
ازرق واصفر وفى چانچا
وما اسوء فيكِ الچانچا
ولا تعرفله لون ولا مله
ولا تعرف تخاف منه ولا تأمن له
وفيكِ الأزرق جوه وبره
وفيكِ الأصفر وما أدراكِ يادنيا الأصفر
ده لُون متلَون ولا بيبان
وفيكِ وفيكِ كتير ألوان
فيكِ الأبيض ديماً مكسوف
اصلهُ الواضح وسط الووف
وفيكِ الأسود متباهىِ بنفسهُ
فاكر انهُ واضح ومعروف
توهتينا يادنيا معاكِ
ومن ألوانك مش شيفاكِ
طب قوليلىِ وبعدين وياكِ
خوفتينىِ وأنا جواكِ
مش عارفاكِ ولا فاهماكِ
طب هقولك ياأُمُ الألوان
خليكِ بألوانك بعيده عنيِ
وخلينىِ بلونيِ جوه نفسِى
فى قوقعتِى كده احسن لِي
لا تأذينيِ ولا اتأذىَ اصلِى يادنيا نظرىِ علىَ قديِ وعميانا،
ومبشوفش وضوح ألوانك ((الياما)) يابهتانه
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب