حسيت بالبرد
قولت أتدفي
في حضن حبيبي
إشتكيت
من حر حضن
ما بقاش من نصيبي
لقيت الدنيا منعاني
من الحرية اللي بتمناها
وبكيت علي وقت
ضاع مني بسبب أساليبي
لما كنت فاكر إني
قادر ع الحب
وأتغلب عليه
لما قولت أشاطر
حزن قلب يمكن
فيوم أميل إليه
لقيت الحقيقة بتوجع
وبينزف قلبي
من سهم هواها
وغنيت ع الدنيا
بلحن حزين
وندمت بجريي وراها
وفي وقت خسارة
الحب تناديه
حسيت بالأمل
لما الأمل مني ضاع
وإشتكيت م العلل
ومن شدة الاوجاع
لقيت إن حياتي
مهما كان حظي معاها
مجرد محاولات
مجرد حيل
مجرد صراع
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب