“المحال و الإحتمال”  بقلم د. باسم موسى

المحال دا شيء إليه ما فيش وصول
يبقى ليه نسعى إليه من الأصول؟
فيه محال وفيه احتمال
السعي ليه، وليه قبول
خطواته راكبة ع الأمل
و وصولنا ليه محتاج عمل
من غير ما نسعى الإحتمال يصبح محال
يبقى أماني في الخيال
والخيال من غير حدود
دا حلم ساكن في الجمود
مالوش نصيب يلقى الحياة
ساعتها ما يفيد الأمل
غير إنه يسمحلك بآه
فيخف بيها م الوجع
إللي نتيجة الفرص اللي التراخي ساب وراه
ما تياللا نلحق نفسنا
نرسم بسرعة حلمنا
ويكون متاح في يوم لنا
والقلب يوصل لمناه
ساعتها يبقى الإحتمال واقع وحنعيش في هناه