“مش كل زياده حلوة خليك في المظبوط” بقلم أميره عبد الرؤوف

أقرأ الأول قبل ما تستغرب و تقول ازاى ؟

الكلام ده مش صحيح ركز شوية معايا و شوف و بعدين أُحكم على كلامي

الذوق الزياده بيوصلنا لضياع حقوقنا حرفياً ،

والمجامله الزياده بتخلّي الناس تفتكر إنها عامله الي عليها

معاك و هتعيش حياتك يا مسكين عمرك ما حد هيشعر بيك و لا بوجودك

لأنك دايماً عامل نفسك مبسوط من كل الناس الموجوده حواليك مش انت بتجاملهم طول الوقت و موصلهم أنهم عملوا اللى عليهم معاك و إنهم مش مقصرين فى حقك

هم بالفعل مش مقصرين لإنك أنت أول من قصرت فى حق

نفسك وكمان تهاونت فى التعامل معها.

والصبر الزياده بيخلي اللي قدّامك يفتكر إنك قابل الغلط وراضى بيه ، ده حتى أم كلثوم كانت أشهر أغانيها “للصبر حدود”

الأدب الزياده في طلب حقك بيضيعه ويخليهم يفتكروا إنك مش فى حاجه لأى شيئ أو إنك ضعيف مش قادر تطلب حقك و نرجع نندم علي اللبن المسكوب

والمساحة الزيادة بتخلي الناس تتدخل في حياتك بشكل مبالغ فيه و تخترق خصوصياتك لأن حضرتك فتحت الباب

على آخره و أصبحت أنت السبب الأصيل فى تعكير الحاجات الحلوه اللى كانت موجوده في حياتك

كمان الثقة الزياده للأسف بتخليك عُرضة للخداع والأذية من ناس كتير أنت كنت فاكرهم محل ثقه فكانت نتيجة ثقتك المفرطه إنك أصبحت فى مهب الريح .

“مش كل حاجة زياده حلوه” خليك خليط حاول تعرف

المقادير الصح

أمتي تمنع و فى أى وقت تتقن إنك تزود شويه بشويه

بس بحكمه و حنكه بدون إهدار فى المشاعر من الآخر

أعرف ازاي تكون مظبوط صدقني هتعيش بعدها مبسوط

دومتم بخير أعزائي القراء.

Post Views: 108