علي قلبي دور

بقلم ميرفت الخولى

علي قلبى دور
أنا عقلي هيتجن عليه
مش قولنا نبعد
ساكن عندك يعمل ايه
تسمح بخدمة من فضلك
تبعتلى قلبى من عندك
ولا عشان دايب في هواه
ومشتاق لكل دقيقه معاه
ماسك في قلبى ومخبيه
علي قلبي دور
أنا عقلي هيتجن عليه
تقلان وعامل فيها زعلان
لا حاولت تسأل ولا تعتب
وكأنى مافارقة معايا كمان
وعرفنا نعند على بعض ونكدب
ماكفايا نار وفراق وعذاب
ويقولوا آل ده الهوي غلاب
واحنا غرامنا جنان في جنان
غاوين قلوبنا تتعذب
كل ده علي ايه
علي قلبى دور
انا عقلى هيتجن عليه
من الاخر انت اللي في قلبى
ولا قادرة اداري ولا اخبى
انك اخدته بعيد وياك
تهجرنى تبعد وتخاصم
انا عاشقه برضه ياسيدى هواك
ده الكلمة منك تحييني
ياحبيبي دايبة وبتمناك
تعالي قرب تلاقينى
بخلص في حبك واستناك
من يوم غيابك عن عينى
تاه قلبي منى ومش ناسياك
وعارفة انك هتجيني
لو على الخلاف نقدر نداويه
وعلي قلبي دور ياحبيبي
ده انا عقلى هيتجن عليه
بقلمي ميرفت امين الخولى
24/4/2021