بقلم أميمه المعداوى
من ديوان/ حلوه الدنيا
..أهلا أهلا يارمضان ،
بااستناك كده وانا فرحان .
..زى ليالى العيد وانا بااحلم ،
وأجمع كل اصحابى كمان .
..والفوانيس ف ايدينا
أهى قايده
نورها مضوى ف كل مكان ،
..كله يعلق زينه جديده ،
صاحبى وجارى واخويا كمان .
..فوق ع السطح وع البلكونه
كله سعيد بقدوم رمضان ،
…واللا المدفع صوته يدوى ،
بالافطار ، ياسلام ، فرحان .
..والا القمر الدين وعصيره ،
واللا قطايفه الحلوه جنان .
..واللا الفول بالزبده البلدى ،
عايم فيها ، أكيد غرقان .
..فين لمتنا الحلوه التايهه ،
ونور المدنه بقالها زمان .
..والتواشيح فى بيوتنا تسمع
تشجى القلب ف كل مكان .
..طول الليل مستنى سحورنا ،
على أنوار فوانيسنا كمان .
..وانا سهران من قلبى بااغنى ،
حالوا ياحلوا فى ليل رمضان .
… والايمان فى قلوبنا مخضر ،
من دمياط لحدود أسوان .
..يطرح خير بالنور فى حياتنا ،
نرجع تانى زى زمان .
…أهلا اهلا يارمضان .
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب