حوار مريم عوض
إنطلق الفنان والملحن سعيد فارس علي الساحة الغنائية من شخص هاوي إلي شخص محترف من خلال ستار ميكر الموسم الأول ونجح كنجم مختلف بألوانه الغنائية وتميز باللون الكلاسيكي والرومانسي عبر مجموعة من الأغاني الناجحة كما حقق نجاح مع فريق إم تي إم من خلال ديو كل يوم بسهر كما تعاون مع نجوم كبار ومنهم تامر عاشور وورامي جمال وهيفاء وهبي ومدحت صالح يعتبر الملحن والمغني سعيد فارس من بين نجوم الذين رفضوا الإنجرار وراء السائد إذ نجح أن يكون لنفسه هوية فنية خاصة به وإن يحتل مكانة مرموقه علي الساحة الغنائية كونه يمتلك الصوت والحضور والكاريزما.
ا-حدثنا عن أقرب أغنية لقلبك؟
اغنية مدحت صالح هي واحدة من ألبوم ايديك وادينا عملتها وبحبها.
2-حدثنا عن اللون الغنائى للأقرب لقلبك؟
والله كل الألوان بحب الحاجات اللي تليق بيا واللي توصل للناس كلام ولحن يكونه كويس.
3-ما جربتش اللون الشعبي؟
عملت شعبي بس عما أعمل شعبي أعمله شبهي ويكون علي الصورة والشكل.
4-معظم الفنانين يحصلهم موقف أو مشكلة في بيكتبو الأغنية أو بيغنوها كا سعيد فارس بتختار أغنيتك بناءاً علي إيه ومين أقرب الناس بتأخذ رأيهم؟
بختار الأغنية من حيث الكلام واللحن الكويس اللي تكون مع الناس بأخذ رأي مجموعة من المقربين مني وبعدين أخذ قرار سواء الأغنية تنزل أم لا.
5-إيه رأي حضرتك في لون المهرجانات؟
والله فيها وفيها في حاجات تسمع وحلوة وفيها حاجات متدخلش بيوت مش كلها حلوه ومش كلها وحشة.
من وجهة نظرك من الموجودين علي ساحة المهرجانات تحب تلحنه؟
أحب ألحن عمر كمال وحسن شاكوش علشان بيعرفوا يغنو حلو بالتالي محدش يعرف يغني ومفيش حد بارز.
6-الغناء بلهجات مختلفة يراه البعض تشتتا في الأفكار والبعد الآخر يراه شامل إنت رأيك إيه؟
لأ دلوقتي بعد ثورة السويشيال ميديا والتيك توك والفيس بوك مبقاش فرق بين الغني المصري أو العراقي والخليجي
فيه فنانين ببغنو بلهجات مختلفة ومن ضمنهم حسين الجسمي بيغني خليجي ومغربي ومصري وبينجح فيه والفنان أصالة وأنغام بيغنوا خليجي معظم الفنانين بيغنوا مصري وخليجي مفيش حاجة إسمها تشتت بالأفكار.
7-إنت كا سعيد فارس بتحب تغني مصري أكثر ولا خليجي؟
بحب غني كله بغني مصري وخليجي وعراقي ومغربي ولبناني.
8-معظم الفنانين بيبعدوا عن السياسة هل إنت مؤمن أن الفنان يجب أن يكون مهموما بقضايا مجتمعه؟
والله الفنان إنسان عادي زيه زي غيره يعني هو مواطن في الأول والأخير وتختلف ميول كل مواطن حسب شخصيته مش شرط هو فنان لازم يتكلم في السياسة ممكن يكون فنان وما بيفهمش في السياسة بالتالي أراؤه خطأ الفنان وظيفته أنه فنان يتكلم في السياسة زيه زي اي مواطن لأمش عشان هو فنان لازم يفهم بالسياسة.
9-طبعاً شبح كورونا أصيبت مجتمع بالشلل كيف إنعكس عليك فنيا؟
إنعكس عليا إني جلست بمنزلي سبعة أشهر كان عندي حفلات جدا في جدة والسعودية والشكر والتقدير لسامح عبد المطلب أكبر منظمي الحفلات في جدة وانا بعمل حفلات معاه في جدة وكورونا عطلت شغل كتير بينا لكن إن شاء الله علي أمل الفترة الجاية إني نعوض اللي لفات.
10_من رغم عندك كاريزما وحضور مفكرتش ليه بالتمثيل زي بعض الملحنين والمغنين؟
مجال التمثيل مجال جميل جدا بس ماتعرضش عليا حاجة مناسبة.وجادة ولو أتعرض عليا حاجه مناسبة تنفع أوافق عليها.
أكيد متأخرش ذاكرة الفنان في التمثيل يعني الأفلام والمسلسلات بتعيش بذاكرة الناس أكثر من الأغاني.
11_لو جالك أحد من المغنين عاوز لحن معين ومصمم عليه وهو مش لايق عليه إنت كملحن تتعامل معاه إزاي؟
أقوم بالنصيحة وأقنعه أن اللون ده يليق أم لا.
وبالنسبة للملحن بيبيع اللحن بفلوس في الأول وفي الآخر نجاح الأغنية من الفنان اللي بيقولها ممكن تنجح أو تسقط معاه مبتحسبش للملحن.
12-وفي آخر حوارنا تحب توجه رسالة أو تشكر حد؟
والله بحب أشكر كل أهلي هم الدعم الأساسي ليا وبشكر أولادي وأصدقائي في الوسط كلهم سامح عبد المطلب وأشرف غنيم.
وتصريح خاص لأول مرة لجريدة الحياة نيوز تحضير أغنية كلمات وألحان سعيد فارس بعنوان “وقت الشدة” وتوزيع عبدالله ريدو.
More Stories
المهندسة منال شفيق سليمان… عقل هندسي استثنائي يقود مشروعات التأمين الصحي في جنوب الصعيد ويصنع بصمة لا تُمحى
علياء سليمان حسن محمد سفيرة الجمال اليدوي وملكة التفاصيل
منار أحمد عبد الكريم — تمكين المرأة في الإعلام… رؤية جديدة تعيد تشكيل المشهد العربي