كدب وغش
وش من ورا وش
وحلاوة لسان
أقنعة وتصاوير
في أزمة الضمير
الرحمة ماتت
والعشرة هانت
وضاع الكبير
وادي حال الإنسان
عبر ودروس
يسلم ويبوس
وعلى كل يخالفو يدوس
والظلم ف كل مكان
يلبس ع الموضة
والدنيا سودة
اربعة ف اوضة
وليل طويل من الحرمان
بنضحك على روحنا
وبنموت سعادتنا وافراحنا
والخاين عايش على جراحنا
عايش من زمان
ادي حال الدنيا وادي حال الإنسان
بيضحك ف وشي
وبيتفنن في غشي
وأول ما أمشي
يقول دا كان وكان
صديق عمري وحياتي
قضى على كل ذكرياتي
وف قلبي طعني و بكاني
باع وخان
تأمن لمين بعد ما كترت السكاكين
والقلب الطيب إللي كان قريب
طلع أول الخاينين
وكل واحد زيي شاف إللي شوفتو
واتصدم ف قلبو و حبو
واتخدع في كلامو
أكيد هايعيش مهموم و حزين
وادي حال الإنسان
يضحك في وشي
ويتفنن ف غشي
صدقتو من حلاوة اللسان
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب