الشاعر عمر أحمد عبد العزيز
أقولك أعذريني على اي ولا اي ولا اي
أقولك أعذريني على غيرتي الزايدة
ولا على صوتي العالي
ولا على بكاكي مني في وسط الليالي
ولا على اما بقول ممنوع وماتعمليش
ولا على حاجات كتير بأعملها ماتتحكيش
أنا عايزك تعذريني دايما
أنا عايزك تعذريني على كل الغلطات اللي باحسبها مابتأذكيش
بس أنتي كمان ساعات مابتفهمنيش
أيوة أنتي ساعات مابتفهمنيش
صحيح أنتي طفلة براءتها ماتتنسيش
بس لازم تركزي معايا شوية وماتستهبليش
ومش هقولك بقى أعذريني على ماتستهبليش
منا بهزر معاكي شوية ولا أنتي مابتهزريش
على فكرة المشاكسة في الحب ميزة
والنكد ما بين الأحباب عادي و غريزة
أيوة غريزة وماتبصليش كدة
حتى اسألي نفسك لو مش متأكدة
واسالي كمان اي اتنين أحباب ماشين في الشارع
هيقولولك نفس كلامي بدون اي موانع
بس أنا برضو هحاول ابطل مشكساتي
وأنتي أوعديني إنك تعذريني ومتزعليش
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب