الدنيا غش

بقلمى أميمه المعداوى
من ديوان/سلام يادني

..الدنيا غش ، وناسها مش ،
أياك تعيش بألف وش

..أوعاك من اللى حويط ملاعب ،
أبو وش أصفر وله مخالب

…واحد رذيل يكنس يرش ،
ويبوس أيديك لما يقش

..الندل لين ، لطيف وهين ،
متخبى فيهم ولا لك يبين

..شايل فى أيده عفرة تراب ،
يعميك ولاكش عنده حساب

..ان جيت فى مره حبيت تعاتبه
تلقاه خلا بك مابقتش صاحبه

.. يقفل فى وشك ميت ألف باب
وتشوف فى وشه صفره وهباب

.. أوعاك لنفسك ، منه الحويط ،
ل يجر رجلك ، ل بير غويط

..أبعد وحاسب من اللى يضلك ،
بلين كلامه ، وفعال تعلك

..الدنيا غش ، وناسها مش ،
أياك تعيش ، باألف وش