أعمل إيه لو قلبي بس بيجري ليك ..
أعمل إيه لو كل ليله بشوف عنيك ..
نظرة بيني وبين مرايتي .. ورده دبلت ف الكتاب ..
أعمل إيه لو قلبي إتألم وداب ..
وقالي إن روحه فيك ..
أعمل إيه عشان رسالتي بكلمة واحده وحشتني ..
أنا كل يوم ببعتها ليك ..
وقبل ما أطاوع إيديا وأدوس إرسال ..
بقول سيبيه دا خلاص محال ..
يكون لسه فاكرك .. فاكراه بيتنهد ف شكلك ..
فاكراه بيتملى ف ملامحك وتاعبه جارحك ..
دا حبك ليه كان تقله جبال ..
وما صدق قلبه انه اتشال ..
فاكراه شاريكي ولسه باقي ع اللي فيكي ..
كلمه نظره ضحكه صوره .. كل دا كان كدبه ليكي ..
وانتي عشتيها بسلام .. حبه ليكي كان كلام ..
وانتي حبيتي الكلام ..
فاكراه بيسمع أغدا ألقاك ..
أهو مر الغد وعمر كبير ..
قلتيله تغيب وانا هستناك ..
قام سابك وأستحلى التأخير ..
فاكراه بيعد نجوم الليل علشان ضلك ..
دا يدوب الوهم اللي فاضل لك ..
فاكراه بيتغزل ف عيونك ياعيون غزلان ..
عبيطه وعايشه على اللي كان .. طب كان ياما كان ..
حدوته وخلصت بقالها زمان ..
بس تفوقي .. الحب حياته ف الخذلان ..
وأهو وهبك أمسه وشويه من الحرمان ..
وبتقولي كمان .. سيبتي اللي ناسيكي عشان تنسي ..
وأهو عشتي بتنسي انك ناسيه ..
ومدوبه قلبك ف امبارح عايش سكران ..
امتى تفوقي دي الوحده ف حالتك ياحزينه .. أخرتها جنان ..
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب