إسألوا الخالة أسماء

يا خالة أنا خايفة من حكاية الزواج لأني مفكره إن الجواز حياة سعيدة مليئة بالضحك والهزار والكلام الحلو بس لما قربت من مشاكل الناس وزميلي من الطلاق واللي بيحبوا بعض بيسيبوا بعض من ضغط الحياة فرجع بغير نفسي عن فكرة الجواز قوليلي يا خالة أنا في حيرة شديدة ومش عارفة أكرر

إليكي الحل يا إبنتي العزيزة

يا حلوة لو إنتي مفكرة إن الجواز ضحك ولعب وهزار وكلام حلو لا يا بنتي الجواز مسؤولية وبتختلف الحياة الزوجية عن الحياة ما قبل الزواج يعني مثلا، لو إنتي مفكرة إن زوجك المستقبلي هيبقي زي باباكي لا طبعا لأن لو باباكي سيبلك الحرية والفرصة في الكلام جوزك مش هيعطهالك

لو مفكرة أن حماتك هتبقي زي مامتك لا طبعا بتختلف لأن لو مامتك مدلعاكي حماتك مش هتدلعك

يا إبنتي أنا ليس أعقدك بالجواز أنا بس بفهمك معناه الجواز مسؤولية وهو سنة الحياة وتكوين أسرة ولتعيشي حياة زوجية سعيدة ومستقرة

يجب المحافظة علي بعض الأمور المهمة بين الزوجين ، كما يجب أن تعرفي الواجبات وحقوقك تجاه زوجك ، وكده هتبقي الحياة مستقرة وهتستمر العلاقة بينكم بشكل صحيح وسليم ويجب عليكي أن تبذلي جهد من أجل زوجك، حيث يساعد ذلك علي تخطي جميع العقبات والتحديات التي قد تواجهك والحصول علي حياة سعيدة ومليئة بالحب والحنان.