سؤال …زعلان ومتضايق ليه ؟ بقلم محمد شومان

جواب …..عندي شوية مشاكل وهموم وأحزان ومخنوق ومش طايق حاجة ..
طيب ليه مخلي تركيزك مع المشاكل والهموم وناسي النعم اللي انت فيها ؟
بص ي سيدي الفاضل
مهما كانت المشاكل اللي انت فيها
اقعد مع نفسك شوية كده وحط المشاكل اللي انت فيها في كفة
وهات طرحة واربطها علي عنيك وتخيل نفسك فقدت نعمة البصر
وقارن بين مشاكلك وبين النعمة دي وشوف انهي فيهم يستحق انك تفكر فيه اكتر
هات حبل كده واربط ايدك أو رجلك وتخيل نفسك فقدت حاجة منهم وقارن بينهم وبين مشاكلك
ياتري أنهي فيهم أولي بالتركيز والتفكير؟
قارن بين المشاكل اللي انت فيها وبين نعمة الأمن وأنك بتخرج وتتحرك براحتك . ياتري أنهي فيهم أولي بالتركيز
قارن بين مشاكلك وبين النفس اللي انت بتتنفسه حاليا اللي هييجي عليك وقت ويبقي نفسك في دقيقة واحدة تبقي عايش فيها عشان تعمل حاجة تشفع لك عند ربنا .
د بعض النعم البسيطة جدا جدا اللي لو حطيتها في كفة والمشاكل في كفة هتلاقي المشاكل د لا تساوي شيء جنب نعمة واحدة من نعم ربنا عليك .
سؤال …طيب وليه اصلا الحياة فيها تعب ومشاكل ليه مش دايما عايشين في راحة وسعادة؟
اولا . حياة كل انسان فينا علي حسب نظرته وتركيزه فيها يعني لو نظرتك لحياتك رضا وتصالح وتسامح نفسي هتلاقي نفسك مبسوط وسعيد الي حد ما
والعكس صحيح ..
ثانيا .لو الحياة كلها رغد وسعادة ونعيم . ماكانش هيبقي للجنة شغف أو اهتمام .
ثالثا .كانت المعاصي والذنوب هتبقي كتيرة جدا لان مافيش هموم او مشاكل تصيب الشخص فيصبر عليها فتكفر من ذنوبه
اخيرا …
.الحياة سهلة جدا وبسيطة ومش محتاجة كمية التعقيد والتفكير والضغط النفسي اللي احنا بنرهق حياتنا به…………تفائلوا………………