قطعتوا الود … بقلم أميمة المعداوي

..من ديوان/ قيد الفراق

…وعديتوا الحدود بحدود،
وحطيتوا مابينا قيود
.. وبتلوموا على قلبى ،
وهوا الطيب المرصود
..وفاض الصبر على صبرى ،
وخنتونى وانا موجود
…وعيشتوا الحب مع غيرى ،
ومن يومها بنيتوا سدود
…بلاش تلومونى على هجرى،
قساوتكم ماليها حدود
…. مفيش أعذار ليكم تانى ،
هدمتوا مابينا أى وعود
…..على ذكرايا راح تبكوا ،
وأنسوا ان الأميره تعود
….وأنسوا الماضى والذكرى ،
عشان قررنا يوم مانعود .