يعني إيه…!!!… بقلم ثناء عوده

يعني إيه قبل م أسألك ترد..
هو أنا ممله لهالحد ؟؟…
هو أنا ليه خفيفة ومش موزونة…
ولا أنت اللي فاهمني بسهولة…
يعني إيه افكر الاقيك منفذ…
يعني إيه أحلم بوردة الأقيك …
زارعيلي احلي جنينة…
يعني إيه تبص ف عينيا…
ترسملي احلي لوحة…
ف خيالي حاجات محيراني..
ابص أنا ف مرايتي ..
الأقيني مش صورة وردية..
ف كل مناسبة توصفني بأروع الكلمات…
كأني ملكة متوجة ف عالم انت مليكه…
ياتري هي دي احلام اليقظة…
وأنا فعلاً فيا كل دا…
وأنا ليه مش شايفة وحاسة بكل دا…
هو أنت اللي بتبالغ …
ولا أنا اللي مش فاهمه قيمة نفسي…
طاير بيا ف السما …
وأحلي نجمة هو انا…
دا إحساسك بيا وانا مش حاسه بيا…
يعني إيه تاخدني من ايديا …
وفوق السحاب تسكني…
وأنا ليه مش مصدقاني…
افكر فيك الاقيك قدامي…
أسئلة مش منطقية…
وأجوبة منك بديهية…
واتاري السر ياحبيبي…
ف عينيك الحلوة…
اللي شايفاني دايما حلوة…