راح إرسمك بقلم الشاعر عبد الكريم سلامه

ورح إرسمك
ورح إرسمك نبعة عسل ومشرشرا
وفيها حلاكي مجمعا بأجمل مرا
وراهب ما بعد تبخرك وب مبخره
كرامة حلاكي عاف توب الرهبني
رح إرسمك.
ورح إرسمك شمعه ب أحلى مزار وعصفور جايي برفقتو ختيار
وبخور ينضح وب عبير النار
ومعلقه وعا حيط كعبه مدوني
ورح إرسمك
ورح إرسمك موجي ب عرض البحر
وسمكي بقميص وعاقدي عل خصر
وحيتان تمشي وخلفك وتنجر
وشمسة ضحى وبقبال منك تنحني
ورح إرسمك
ورح إرسمك قلعه بأجمل غاب
ونغمة موسيقى ويعزفا زرياب
وكرسي ملوكي بلونة العناب
وتاج وما شبهو وغير زهر السوسني
ورح إرسمك
ورح إرسمك ضيعه ع أحلى اتلال
ورعيان تسرح والهوا موال
وعصفور قاعد وب قلب عرزال وشحرور حدود قاعد وشو مهتني
ورح ارسمك