“حرب أكتوبر المجيدة” بقلم ناجي العربي

فاكر لما كنا قاعدين
أنا وأنت ورا التبه
وجبنا ميه من القناه
وشربنا كل واحد حبه
وجه حسين عطشان وقال
مفيش معاكم من الميه شوية
وقلتله أشرب قالك أنت مريض
يامرقس ولازم تشرب كل فترة
قلتله بس أشرب أنت دلوقتي
ومحمد هيجيب تانى ويكتر حبه
كنا كلنا واحد وبنخاف
على بعض من ولاد القرده
وكان اللى صاحى عينيه مفنجله وودانه تسمع دبة النمله
لا يغدر بينا الخسيس ومنعرفش نرجع أرضنا ولو قطعونا حته حته
………….عاشت مصر 🇪🇬 ………..
وطالت علينا اليالى
سهرانين ويا القمر
نحرس أرضنا من العدو
لحد مايأذن بالحرب القدر
وكانت فكرة جميله لما الريس
بالحج للقاده الكبار أمر
علشان يطمن العدو ان مفيش
حرب ويكلوا ويشربوا زى البقر
علشان نحرر أرضنا من الصهاينه
ونحقق حلمنا اللى كنا بننتظر
وترحل القرود من اراضنا بخيبة
أمل وحسرة على دمهم اللى اتهدر
وكنا كل يوم يعدى علينا كأنه سنه
وإحنا قاعدين مستنين الخبر
وفجأة يوم ٦ أكتوبر جانا الأمر
جرينا كلنا بسلاحنا وكله عبر
وكنا بنسابق الزمن من
فرحتنا لما جانا الخبر
………..عاشت مصر 🇪🇬 ………….
ودعينا كلنا ساعتها مسلم
ومسيحي كله من القلب
وبعلو صوتنا كلنا بنقول
الله أكبر أنصرنا يارب
وينصرنا ربنا على العدو
ببركة دعاء الأم والأب
ورفع محمد العلم فى أعلى
مكان وإنتصرنا ببركة كلمة يارب
فيارب أكتب لنا النصر دوما
واغفر لجميع شهدائنا يارب
وأحفظ مصر 🇪🇬 من الأعداء
فى الداخل والخارج يارب
كل عام وأبطال أكتوبر بخير
وأغفر لمن لأجلنا بعمره ضحى يارب
يارب يارب يارب يارب يارب يارب
…………. عاشت مصر 🇪🇬…………