سلامات ياقلبى
ايه مالك كدة
مش متظبط
أحوالك مش هي
أحوالك علطول
مشغول ليه
ومتلغبط
ايه الأسباب
إهدي بدقاتك
أنا خايفة
وبلاش وحياتك
ده أنا عارفة
آخرتها عذاب
ايه اللي جري لك
مش عادتك
طول عمرك قافل
علي نفسك
مين فتح الباب
اجمد وابعد
ليه مش قادر
ماتخليك شاطر
ومكابر
لا كدة هتحب
خدلك ساتر
ده الهوي غلاب
بصراحة أنا متغيرة
ليه حاسة إني صغيرة
ليه بوجوده الدنيا
احلوت أوي كدة
ومنورة
في عينه سحر وأسرار
ايه اخرة ده المشوار
ياخوفي عليك تحتار
وتبات بدموع واهات
ومرار تحدف نفسك
بالنار
اصحي وفوق ايه
اللي جري
وايه جواك ومخبى
سلامات ياقلبي
بقلمى//ميرفت أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب