ظلمتني.. بقلم أمل أمين

( ظلمتني )
كانت بدايتي معاك غريبة
زي طفلة وانت ساحر

قربت من عينها بذكاء
لا …. وانت ماهر
فجأه من ايدك

تبان زهرة عجيبة
واكمني هبلة
شميت بقلبي عِطرها

فملالي قلبي بسمها
كنت فاكره
ان في رذاذها

كل أسرار الحياة
طلع عبيرها
سهم صابني لمنتهاه

كل يوم بتزيد آلامي ويا حيرتي
كل ثانيه بتتجرح فيها براءتي
وكل لحظة معاك بتقتل فيها ثقتي

إحلف ..
إحلف وقول انك بريء
وكلها ظنوني ووهمي

واستحاله تخون وتغدر
ازاي ده ممكن .. مش حقيق
وانك شاريني مش بايعني

وان عمري ماهون عليك
وتسيبني في الموج الغريق
قول وسمعني واحكي
وانا هصدق .. انت اللي أصدق
هنزف دموعي بين ايديك
ياللي بهواك بيهم دابحني
الخلاصة ….

افتكرت معاك هعيش
وانت مليون الف مرة

قتلتني …..
،، ظلمتنني