༺1/4༻بتوقيت عمرى عند مدخل قلبي
إبريلي
إبريلي وقدري ويقيني
أبي إبني وحبيبي
من يوم ميلادي
واسمك حبيبي جنب اسمي
مولوده بـ وَشمك منقوش
علىٰ حتة مني
في حروفك حياتي
وغنوتي ولحني
وعيونك محرابي
وعشقك مذهبي
إبريلي
وكلامي لو هقول عنك
متكفيش لعيونك سنيني
يا أول حب فـ حياتي
يا قدر مكتوب علىٰ جبيني
ياللي فـ صمتي بندهلك
من غير ما تسمع ندايا
وحروف اسمك حبيبي
دوا جراحي وهنايا
إبريلي
وسنيني معاك
ولا يوم حبيبي قدرت انساك
ووتيني ما دق لغيرك
ويحلالي العذاب فـ هواك
يا أجمل مكان فـ وجودي
ياحبيبي وسكني وحدودي
يااحلى ما فـ ملامحي رسمك
وأجمل ما نطقت حروف اسمك
ويوم ميلادك دا يوم عيدي
يا غايب وأنت فـ وريدي
من خوفي عليك مبنمشي
ومكانك حبيبي بين رمشي
إبريلي
من أول كلمة فـ كلامك
شاورلي قلبي عليك
عِشقت حتىٰ سلامك
من غير ما أشوف عِنيك
ولما شافوك عيوني
دَوبني حنيني إليك
إبريلي
حبك كان طوق للنجاه
حبك كان معنىٰ الحياة
ياكل حاجه وعكسها
يا قلبي سمِيتك أنا
يا اغلىٰ مني عليا
وبوجودك بعيش
ياأجمل حاجه فيا
وغيرك حبيبي مليش
إبريلي
ياعمري يا معني الوجود
حبك دا مخلوق للخلود
معايا حبيبي ومش معايا
ساكن فـ قلبى وجوايا
دموعي فـ بُعدك ألم جميل
تنزل علىٰ قلبي بألف دليل
إنك حتىٰ فـ رحيلك
أجمل شجن أجمل ألم أجمل عذاب
حتىٰ عذابي معاك حبيبي بيكون جميل
༺وبسم اللّه علىٰ اسمك
༺وبسم اللّه علىٰ قلبك
والسلام كل السلام وكل الأمان يصاحب عيونك يا أغلىٰ غالي وأقرب بعيد
إبريلي وعيدك حبيبي دا يوم عيدي
وكل سنة وأنت ياغالي فـ وريدي
بقلم سلمى المواردي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب