قالوا البحر بيشفي جروح
والموج الهادي يهَدي الروح
وغروب شمسُهُ دوا لِلـعليل
وشروق ضَيُه بسمة حزين
قالوا عن مدينتي اجمل جميلة
وفـ مدينتكم لقيت كياني
وزي البحر ما خطف قلوب
خطفني ترابها وسكن وجداني
ولو بإيدي أختار مكاني
كنت هختارك ياسمرا
بيوحشني هواكِ
ارضك وسماكِ
وغروب شمسك فـ حُضن شجرك
خُطاهم علىٰ تُرابك غلاه
لأكحل عيوني بيه وألقاه
دوا لعيوني وسكن لحنيني
ياللي ف صمتي سمعاني
وسكناني تفاصيلك
ياارض جميلة بشكل خلاني
دايمًا بشتاقلك وبجيلك
وكل ما فيكي ياغالية
شاغل قلبي و عنيه
حتة منك سكناني
خاطفة قلبي وكياني
وحتة مني جواكي
لمسه هواكي وسكناكي
يا مكان فـ عمري
محلِي سنيني
وغصب عني بيحتويني
خضارك بيأمن خوف قلبي
بيضم ضلوعي ويدَوب حنيني
جوة حروفي هتلاقيكي
وبين ناسك هتلاقيني
والحقيقة يا أم الخير
انك ساكنة في وتيني
تزعلني الدنيا بكل ناسها
وارضك ياغالية تراضيني
حبك بقى طابع حُسني
ياارض نفسي اكون سُكنها
ياصُبح نفسي تشوفو عيني
ومش بإيدي أخترت حُبك
دا قدري ومكتوب على جبيني
لو قالوا الشط فـ انتِ المرسىٰ
اماني وعمري وسنيني
وحتىٰ ان فارقوني احبابك
ريحتهم فيكِ بتكفيني
بقلم سلمى المواردى
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب