نوري سليمان
اه يا بلدى ياللى كنتى
فى طريق الضلمة وحدك
جالك ابنك وشدك وقالك يلا بينا
ليلك على الغيطان غريب وحيد حيران
وانتى فى حالك دايما مركبة وش الغضبان…..
حالك مهواش حال وحزنك هو المحال
ودموعك هى بيتى واستحالة اسيبك للغدار
جالك ابنك مدافع رافع رايته وبينادى
انا ابنك وحاميكى واستحالة فى يوم اسيبك
اه يا بلدى ياللى كنتى
فى طريق الضلمة وحدك
جالك ابنك وشدك وقالك يلا بينا…..
حمد لله على سلامتك يا بهية
يا ام العيون المشربية
ياللى روتينا بحنانك وسط الأفراح
واحنا روناكى بدمنا وسط الأحزان
وحياتك يا بلدى
وحياة عزتك وغلاوتك
لهفضل ليكى جندى
حامى ارضك ومجدك
وواخد علمك لبسى
والنسر هو غايتى
ابنك حماكى ونزل بجنوده ورفع حزنك وقواكى
حمى ولادك الضعاف من قلة مرتدة
فيهم الخسة والندالة صفة دايمة
ورجعلك مجدك واسمك وعلمك
بطلنا هو مواطن مصرى بيحب بلدو
بيحبها من قلبو وروحو ودمو
ولسه ياما هنرفع علمك اكتر واكتر
هيبقى بطلنا المقدام
ويرفع علم العروبة اللى حلمنا بيه من زمان
جه اليوم اللى يرجع فيه عصر العظماء
محمد على وناصر والسادات
الله عليكى يا بهية وعلى ولادك
ياما بتنجبى اسود ووحوش ونسور
وحماكى للعروبة وللعرب وللأديان
تحية وسلام لبطل العرب
تحية وسلام لزعيم الامة
تحية وسلام لزعيم مصر
ألف كلمة وكلمة ميقدروش يوصفو
ومهما حاولنا برضو هنعجز فى وصفك
حماك الإله وأيدك فى نصرة مصر
ولسه ياما هنشوف ونحلم بيكى وبأيام النصر
تحية وسلام لزعيم الامة
تحية وسلام للأسد المقدام
زعيم العرب واللى هيفضل دايما
فى قلوب العشاق وفى قلوب الملايين
تحية وسلام للمشير النسر البراق
نهاية كلامى مش لاقى وصف
كلامى مهما قولتو برضو فيه عجز
انت اكبر من اى وصف
كل اللى اقدر اقولو
حمد لله على سلامتك يا بهية
يا ام العيون المشربية
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب