ارسم جوا قلبك قلب
قلب أبيض كله حب
قلب يسند قلبك
بضمير وبرضه
بقلب …
وابتسم وافرح
املا كل الكون
نغم وطرب…
وانسي أحزانك ومين خانك
وليه اشتري الرخيص
وباع الدهب…
ليه تفتكر لحظة وجع
لحظة سقوط فيها هبوط
وتملا نفسك
غضب…
ياما هنقابل و نغلط
لا إحنا ملايكة
ولا الزمان فيه معجزات
ده حياتنا مسرح كبير
وعليه تشوف
العجب
إرفع لي راسك
بص في عينيه
قولي إنك أحسن وأقوي
زي الجبل واقف
لا عمره يهزك ريح
ولا حتي شوية
تعب…
خليك أصيل وقولها زيي:-
مهما يكون الكون
زي ما أنا …باقي
علي قلبي… أنا باقي
سانده وبعافر… وباقي
بحبي وعلي صبري… والله أنا باقي
بأصلي و شكلي… هفضل كده باقي
لحد ما ييجي الأجل … علي عهدي برضه أنا باقي
وما يكون ولا يبقي إلا وجه الله… وحده هو الباقي
ولو تقلي يادنيا بأصلك
وتقلي في يوم أدبك
عمري ما أكون فيكي
قليل الأدب …
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب