..من ديوان /كلام منقوش
…وانا وحدى بكيت م القهر
على نفسى ، وانا بيتى اللى
كان مليان
…أنام واصحى وابات أشجى،
وأقول فينكم..!!؟، وأى حنان!!؟
…يرجعكم عليه تانى ويجيببكم ،
هجرتونى ، وجهزتولى فى
الأكفان.
…عشان نسيتونى من بدرى ،
وانا القلب اللى عاش شقيان
…عشان فرحتكوا ف عنيه ،
ولا شوفشى العزيز تعبان .
…عشان ماكنتوا حواليه ،
وانا بعافيه ، نسيتوا زمان..!!!؟
…وانا سهرانه لراحتكم ،
واشقر ع اللى كان نعسان .
…وأفضل جنبكم وابكى ،
وادعى ل اللى كان عيان .
…وم الفجريه أقوم واصحى،
واجهز بدرى فى فطوركم،
وكاسة مية للعطشان .
…وبوسه ع الجبين تشفى ،
وبلسم حضنى للتعبان .
…كبرتوا وكل شئ فيكم كبر
برضوا ، وفتونى بين الأحزان
…وفى الشباك أبات زايغه عنيه
عليكوا بااتحسر من الحرمان .
…اقول يمكن تكون غلطه،
وتفتكرونى وتبصوا عليه كمان.
…لقيت الجحد فى قلوبكم ،
بقيت محبوسه بااتحسر ورا
الجدران .
…جحدتوا الجنه ، وهجرتوا
النعيم عندى ، متنتظروش
غير الخذلان
…هتلقوا الذل من بعدى، جعلتونى
أموت حيه وذكرى كمان.
…يدوب تبكوا على روحكم ،
بنفس الكاس ، هيسقيكم به
الديان .
…وانا وحدى
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب