بما إني قررت عن الحزن أحيد
وأكتب كلام ع الفرح البعيد
يمكن يهل علينا ويطل من جديد
أديني بستدعيه وبحاول أللاغيه
واغمزله كده غمزه
وممكن كمان بسمه
ما أنا ممكن أغريه
يافرح مالك كده عصيان علينا ليه
ملناش معاك نصيب
وهواك مش لينا
ما تميل يافرح علينا
نور ليالينا
عتمتنا والله طالت
وكده كتير علينا
طب بس زعلان ليه
عملنالك إحنا إيه
بتيجي يمين وشمال
وأشمعنا نواحينا
طب قول طلباتك
أُأمرنا وحياتك
تلقينا هننفذ اللي تقول عليه
بس حن علينا
وبص ف عنينا
فرحها بس شويه
دوقها حِنيه
تستاهل والله تلمع من الفرحه
بقالها كتير يافرح دبلانه مطفيه
دوقها طعم الفرح
ترجع بـ أغنيه
تغني ع الأيام الحلوه اللي جايه
وشوف هتتحول بجمالها هتطول
سهر وسمر وأغاني وتحلا الدنيا تاني
بس أنت يافرح هل
وميل نواحينا
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب