خالد كامل..يكتب..في الصميم.. “القرد”

أنا من وجهة نظري المتواضعة بحس أن “القرد” هو الحيوان الوحيد المظلوم من بين كل الحيوانات الموجودة علي الكوكب واللي الإنسان ربنا يسامحه بقي رايح جاي يتريق عليه بسبب ومن غير سبب…مرة تلاقيه يألف عليه مثل شعبي ويقولك….”القرد في عين امه غزال” وللعلم القرد ومراته هايفضلوا شايفين ابنهم القرد قرد ومش غزال… فٱنت مالك ياانسان بنفسية القرد شايله ايه من جواه

وماتزال برضه تريقة الإنسان شغاله عليه لو شافوا “القرد ” ياعيني عليه “بيتنطط” …..تبص تلاقيهم بيشوفوا قدامهم انسان

بس كتير الحركة وسريع علي طول يقولولوه……..”انت مالك كده بتتنطط زي القرد” وعلشان الحيرة اللي انا فيها دي كلها حتي الان ولااعرف بالتحديد وجه النظر المشتركة بين الإنسان والقرد للحكم علي شكل الإنسان الغير جميل ووسيم…..علي طول يقولولوه….انت مالك كده شبه القرد….والله فعلا لايصح هذا الكلام ابدا ….فالقرد لايستحق كل هذا التشهير وكل هذه التريقة الظالمة والغير عادلة.

ايها الانسان ..لقد خلقك الله في احسن تكوين وهيئة فلا تتنمر ولا تتريق علي اي مخلوق من مخلوقات الله حتي وإن كان حيوانا أبكم لايتكلم وليس عنده من الإدراك ليرد عليك بالمثل.

اللهم إهدنا وأهدي قلوبنا ونفوسنا الي التقوي و العمل الصالح

ولاتجعل الدنيا اكبر همنا ولاتجعلها مبلغ علمنا.

أمين..أمين..أمين…يارب العالمين.

Post Views: 56