محبكيش
هو بس حب حبك
ولهفتك ولوعتك
حب انتظارك
حب انه يعذبك
متصدقيش
هو اصلا محبكيش
أنت عنده واحدة
زي أي واحدة
عدت علي حياته
متفرقيش
هو لو حبك
كان صانك
وصان قلبك
وكنتي تبقي
عنده اغلي
من نفسه عليه
بس هو ماشفش
حبك ولا حس بقلبك
فمتزعليش
أنت غالية عند نفسك
بس عنده متساويش
الأ كلمة يقولهالك
لما يشتاق يحس
أنه هو بس
اللي في بالك
وانه في الدنيا
كل امالك
هو حب ذكرياته
اللي عاشها يوم
معاكي..هو حب
اشتياقك.
بس عمره
ما حس
بنار فراقك
ولا حتي أثر
فيه غيابك
هي دي الحقيقة
هي مرة.
بس زي الشمس
واضحة
فمتبكيش
وفري دموعك
للي يستاهل
واللي تبقي
عنده غاليه
اغلي من روحه
وحياته
واللي من الهوي
يخاف عليكي
ويرمي قلبه
بين إيديكي
ويشيلك
جوة عينه
وبرموشه يقفل
عليكي
أما اللي شغل
بالك وحب
يستمتع بألامك
إن جه وقالك
سامحيني
كانت فيه
سحابة ومغطية
عيني
دلوقتي شفتك
وحسيت بحبك
اللي كوي قلبك
متصدقيش
رويدا عبد الحي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب