أنت إيه …وإيه أنا
وإحنا فين
وإزاي هنا ….
أنت حقيقة ولا خيال
ولا وهم جاي من مُحال
ضمني لقلبك
يمكن ساعتها
أعرف حقيقتي
وإيه حكايتي
مش عايزة كلمة
إحتمال…….
لو بجد أنت في خيالي
كمل معايا
جوا حلمي قصتي
وإوعاك تسيبني
من تاني أضيع
جوا زماني ودنيتي
مابقاش في عمري
أي وقت
للجدال…..
إوعاك تتبخر تطير
وألقاني وحدي
في المنام
خليك معايا تكون أمير
وأنا جنب منك
قصتك. .ضحكتك
ضلاية ساعة
غفوتك
ونجمع من الأفراح
جبال….
خلينا جوا منامنا نكون
وإوعاك تصحيني
لرجع زماني
اللي كله فيه يهون
ناسه فاضيه للظنون
بيرسموا الأحزان طريق
للي قلبه
ضعيف حنون
ويشوهوا كل
الجمال……….
خلينا هنا
مع بعضنا
جوا الخيال……وفي المُحال……..
بلاش بلاش تطيييييييييير
ده كان ارتجال علي قصيدة مابين الحب والرعب لصديقنا
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب