إوجع ياعم إوجع
ما أنا اصلا استاهل
عشان علي طول
أنا برجع.
إوجع كمان وكمان
وقطع لي قلبي كمان
ما أنا عايشه الحرمان
ومحرومه من زمان
إوجع أوي إوجع
إوجع ولا يهمك
ولا يكون بالك
مشغول..
ياعم ده أنت
خلتيني بدل فاعل
علي طول أنا مفعول
ومن ظلمك مقهور
علي إيه أنت مغرور
معرفش حالك غريب
بتمثل إنك حبيب
وأنت اصلا بتزحف
زي الدبيب لحد ما تقرص
وقرصتك بالموت
بتخلي اللي يتقرص
يودع الملكوت
إوجع أوي إوجع
إوجع وزيط في الهيصه
ما هو كل حاجه عندك
بتبقي رخيصه
مش فارق معاك التمن
إوجع أوي إوجع
ولا عمري تاني هأرجع
انا كده أتعلمت
من كتر ما أتلمت
من كتر ما اتعذبت
خلاص أنا عرفتك
وبنور قلبي كشفتك
وظهرت وبانت حقيقتك
إوجع أوي إوجع
ما خلاص مانيش هارجع
لو حتي عملت إيه
أنا فهمتك يابيه
ومن كتر الوجع منك
خدي خلاص اترصف
مفيش دموع تنزل عليه
إوجع بقي براحتك
مبقاش فيه إحساس
أنا عايشه كده وخلاص
بضحك وقلبي بيبكي
مداري من الناس
رويدا عبد الحي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب