أمل أمين
بيع واشتري
وعلي قلبي افتري
ياللي خونت العهد بينا
ما احترمت وصونت كلمة
حتي ابتسامتي قتلتها
بدلتها بقهرة ودمعة
ومش هلومك
هو ذنبي وغلطتي
بيع واشتري
وعلي قلبي افتري
بايدي أنا بدرت خيري
في أرض بور
طرحت لي شوك وصبر
وضمير مبتور
وبكل حب الدنيا
ضميت بقلبي
لاجل أعالج قسوته
وأبدل ضلامه بنور
لكن ما نابني غير
وجعي وقهرتي
بيع واشتري
وعلي قلبي افتري
ياللي راهنت عليك بعمري
وقُلت لا يمكن يوم يخون
قالولي إوعي طبعه قاسي
ومفتري ومريض مجنون
وبطيبتي أنا وعلي نيتي
مديت له إيدي
خدعني وصدقت فيه
كل الظنون
واللي يبيع نفسه لشيطانه
كل شيء في الدنيا
عنده ممكن يهون
بيع واشتري
وعلي قلبي افتري
من النهارده خد حبايبك
كل ناسك واللي شبهك
وإبعد بعيد
ياللي ماهيكون لك
لا ذكري ولا حتي فكرة
وفي عتمتك ما هتلاقي
شموع لك تقيد
خليك في ملكوتك لوحدك
وافتكرني بعد جبر ربي
وعشمي فيه أكيد
يفرح قلبي اللي اشتري
مش قلب مليان قسوه
وطبعه عنيد
وأشوف دمعتك
في عينيك
زي ماشوفت فيهم
نار حقدك جمر وصديد
ربك كبير عادل
وهو أدري
بقلوب العبيد
بيع واشتري
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب