الدنيا لما بتضحك

أمل أمين

حقيقي الدنيا ظلمتنا

وشوفنا كتير أوي منها

لكن دايما لازم ننسي

ونبدأ تاني نغازلها 

ماهي الدنيا كما الستات 

تحب كتير ندلعها 

تقوم تفرح وتضحكلك 

وتديلك نقوم برضه نغنيلها

و لو مديت لها بوذك

هتكشر وتقفلها 

خلاص أنا وأنت يا حبيبي

عرفناها وحفظناها وفاهمينها 

فكبر لي بقا دماغك

وبلاش تأسي علي قلبي

أنا الدنيا اللي تملكها

وخلي الضحكة علي وشك

أنا الفرحة اللي محتاجها

تلاقي سنابل البهجة 

بايدي لك أنا أبدُرها

بلاش العمر أوقاته

 نبوخها ونأزمها 

ورب الكون صحيح قادر

يفرحنا وهيبسطها 

وشوف طلباتك اطلبها

وانا عليا أنفذها

وبرضه كمان تفرحني

هشيل صورتك في نيني العين 

وجوه في قلبي أحفظها