في أحيان كتير بنيجي نقول لشخص عزيز علينا “ليك وحشة “
لأنّك مش عارف تقوله ( إشتقت لك)
و أحياناً بنرجع ونقول لشخص ” ليه مش بنشوفك” لأنك مش قادر تقوله ( انت ليه مش بتسأل عنّي )
و أحياناً برضه نرجع ونقول لشخص “إنت عارف مكانتك عندي كبيرة قد ايه”
لأنّك مش هاتقدر تقوله (أنا بأحبك)
و أحياناً كتير جدا بنقول لشخص “ياريت تبقي تسأل عنّي و ما تنسانيش”
لأنّك مش هاتقدر تقوله( قرب منّي و لا تبعدش )
ف..ليه بقي هناك فرق بين ما نقولُه و ما نقصدهُ حقًّا
للاسف الشديد زيادة الحياء والخجل والكسوف هما السبب في كل ده…..فأحيانا الأدب الزيادة والتربية الصح بتخلي الإنسان مش قادر يصرح بكل اللي جواه ف.بيخسر حاجات كتيرة جميلة وعزيزةو غالية في حياته و كمان ممكن انها تروح منه ولاتعود ….وللاسف الفرصة بتيجي للإنسان مرة واحدة ومش بتتكرر
علشان كده بندعي ربنا دايما بهذا الدعاء الميسر لتلك (المشكلة)
اللهم إشرح لي صدري ويسر لي امري وأحلل عقدة من لساني يفقهوا قولي……..واجعل ألسنتنا لاتحيد يوما عن قول الحق ولا شئ غير الحق
امين..امين.. امين
يارب العالمين
More Stories
الرائد أحمد فريد عبد الخالق.. حضور أمني يجمع بين الحزم والإنسانية داخل مركز شرطة تلا
يوم اليتيم بآداب المنوفية… احتفالية إنسانية بروح العيد ترسم البهجة في قلوب الأطفال
مروة أبوسالم حين تتحول الإنسانية إلى رسالة والإعلام إلى نور يصنع الأمل