رؤية وتأليف وسرد /خالد كامل
إنتي ياحلوة ياقمر إنتي….يااااااه
بتفكريني بشبابي…أنا كنت في يوم من الايام أحلي منك بكتير قوي وياما كان في زماني شنبات الرجالة بتتبرم لما بتشوفني معدية في الشارع والطرابيش كانت كمان بتتعوج علي جنب.
وكنت بأكل أحلي أكل واشرب أحسن شرب….ياما أكلت في مطعم “كبابجي الألفي بك” في شارع الالف و”جروبي والأمريكيين” في وسط البلد علشان الايس كريم في عز الصيف مع شرب الكوكا كولا.
والفسح والسهرات مش عايزة أقولك بقي علي جمال لبس السواريهات
واحنا بنحضر حفلات الست أم كلثوم علي مسرح سينما ريفولي
ولا نشوف مسرحيات فؤاد المهندس و شويكار علي مسرح الزمالك
افتكر. أن مهما قولتك عمرك ماهاتشوفي ولا هاتعيشي زي ماانا عشت…علشان كده عايزاكي تتعلمي مني كتير..مافيش حاجة بتدوم…. لا الجمال ولا الصحة ولا كمان الحال بيدوم….علشان كده اعملي لاخرتك واعملي لبكرة وخليكي دائما شايفة صورتي وانا ماشية قدامك كده بالعكاز…علشان مش أنا اللي كنت بكلمك ده الزمن.
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب