عادي أما تبعد
مين هيسأل أو هيزعل؟!
طب إيه هيحصل؟!
هل حد فاكرك يا تري؟!
عادي غيابك أو حضورك
لونه باهت..صوته خافت
ما كفايا دوشة وشوشرة
ليه العشم قاتلك أوي
وواخدك بعيد؟!
رايح وجاي ليه عليهم؟!
و كأنه بيتك الجديد!؟
ماتفوق وتصحي
هو إيه بس جري؟!
كانوا حبايبك
أيوه صحيح
كان شكلهم بيقول كده
لكن باعوك
يلا يا لعبة تافهة صغيرة
إوعاك تقع ولا تخيب
وتجيب ورا
وجريت بتسأل؟!
وكمان هتعتب؟!
كل كلامك عندهم
ردهم ليه
كان سكوت
وميعرفوش إن سكاتهم
كان لقلبك
هو علقة موت
خلاص خلصنا
بطل نواح
دي قصة عادي مكررة
أنت سراب….
أضغاث أوهام
أنت خيال….
أو شبه حطام
وعلي أنقاضك أنت!
تركب وتعلا كتير أحلام
إلا حلمك . ياغبي
عمره مايكمل
إجري إستخبه
ده أنت مضحكة الجميع..
بلاش قلة قيمة بقا
…كفايانا خيبة و مسخرة
بقلمي أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب