الحب عمره مايرتضي
إنه يُهان
أو يبقي فُرجة
للي شبعان والجعان
الحُب إني أخاف عليك
وأحفظ كرامتك وأرضي بيك
الحب جوا قلوبنا
مش للناس لازم يبان
هو إيه كلمة سند؟
يعني إيه هو المدد؟
اننا نبقي واحد
عندنا نفس الكيان
اننا نحفظ صورتنا
تفضل الهيبة بتاعتنا
مش نبقي فُرجة
لكل من عدا و كان
هو الشبيه ايه الا روح
ترتاح لها تفضفض تبوح
روح تفهمك
حتي في سكوتك
روح بروحها
تفدي روحك
وتشتري ليك الأمان
روح ماتعرفش النفاق
روح مابتبيعش الكلام
ملناش لا زيّ
ولا شبيه
ولا حد عمره
كان نبيه
علشان يقّدر روح نظيفة
روح خلاص
انتهي ومات
وجودها
من زمان
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب