أما أنت عليك حبة حركات
وفي تقلك يابني ملكش خوات
دايمًا مشغول وفي باله حاجات
صوته مابيطلعش قارفني سكات
ويبان طيب
وبوش بشوش
وفاكرني ياعيني أنا مافهمتوش
حوش حوش. حوش
حلق
حوش. حوش. حوش
وفاكرني عبيطة وماعرفتوش
الواد ده باينه ياعيني مهبوش
لا يابني بلاش كده بتهيني
أنا من بحري صوتك يعلي هتزعلني
وهزاري وضحكي ساري في دمي
وفي الجد إنسي لابويا ولاعمي
الصبح تبان لي ياخويا بوش
والضهر يغير تاني الوش
وفاكرني بهطله أنا فيه هتغش
لا ده أنا عارفاك صنفك مغشوش
حوش حوش. حوش
حلق
حوش. حوش. حوش
وفاكرني عبيطة وماعرفتوش
الواد ده باينه يا عيني مهبوش
عرفتك من أول مرة
وفهمتك من أول نظرة
وبجد حياتي بقت مُرة
مش عارفة أحس إني أنا حُرة
شايفاك كذاب
ودي عيشة هباب
والغدر طباعك وأنا مقبلهوش
فمتزعلش أنا كده همشي
وخداعك ده أنا مابطيقهوش
وأوعي بقا
حوش حوش. حوش
حلق
حوش حوش حوش
وفاكرني عبيطة وماعرفتوش
الواد ده باينه ياعيني مهبوش
أمل أمين محمد
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب