محتاجين حملة قومية من الدولة والازهر الشريف والقنوات التلفزيونية وجميع المشايخ في خطبة الجمعة لمدة عام متوالي للحديث عن قتل النفس..!
بقى القتل حاجة عادية في مجتمعنا وأول تفكير في حل مشكلة عائلية او شجار في الشارع او بين الجيران او بين الأخوات والزوجين ، كل يوم تسمع عن جرائم قتل بشعة وكل أسبابها حاجة هايفة متساويش العذاب اللي مستني القاتل عند الله…!
القتل اللي بقى همجي وبشع في المجتمع بكل الصفات القبيحة وبين جميع الفئات والطبقات المختلفة وكأنها حالة مرضية معدية أصابت العقول وجعلت القلوب ميته جوه الناس، القتل مرض لعين تغلل في مجتمعنا بشراهة زي ما يكون موضة العصر، محتاجين حملة توعية، حملة ترجع الناس للدين والخوف من ربنا، حملة تنقذ الناس من بين ايد الشيطان اللي متشكل بالف شكل حوالينا…!
كل يوم تصبح على جريمة قتل رهيبة تخليك في حالة زهول وخوف، بطريقة مختلفة وزي ما يكون اللي بيقتل بيرسم لوحة فنية هياخد عليها جايزة القتل الأولى ، وحشية وقسوة وتشويه، بقى عادي الواحد يقتل ابوه وأمه وأولاده وأخوه، مش فارق بتقتل مين، معدش في مشاعر وأحاسيس وخوف عند الناس وازاى تفكير القتل حاجة عادية ومشرعة وحلال دلواقتى مفيش اي مشكلة…!
إحنا في كارثة كبيرة عمالة تزيد كل يوم وبتقرب مننا ومن حوالينا أصبح مرض القتل عدوى بتتنقل بين الناس بالسمع بمنتهى البساطة الشيطان يقولك أقتل تقتل وضاع الإيمان وتجمدت مشاعر الناس في ضربة سكينة، حسبي الله ونعم الوكيل..!
More Stories
الرائد أحمد فريد عبد الخالق.. حضور أمني يجمع بين الحزم والإنسانية داخل مركز شرطة تلا
يوم اليتيم بآداب المنوفية… احتفالية إنسانية بروح العيد ترسم البهجة في قلوب الأطفال
مروة أبوسالم حين تتحول الإنسانية إلى رسالة والإعلام إلى نور يصنع الأمل