إبعد كمان أنا عارفه
أد إيه جواك تعبت
وعارفاك عايز تغير جلدك
ومن الناس طهقت
حاساك كرهت الدنيا
ومن العالم زهقت
حاجات كتير اتغيرت
جواك وشايفاك اتخنقت
متخافش أنا ملاحظة
وحاسة وخلاص عرفت
وقربي منك خوف عليك
من نفسك ده لو فهمت
عايزاك تفضل فايق لروحك
وتحاسبها طول الوقت
ياللي علمتني أن أكتب
ومعاك وبيك أنا عشت
وياما ساندني وفي ظهري
قوتني وبيك كملت
مهما هتبعد عني
جوا قلبي عليك حافظت
وعارفة أن قلبك مليان
خير أووي بس أنت فوقت
ورغم إني مليش ذنب
تسيبني وحاساني اتظلمت
وبعادك عني واجعني
وبجد اتكسرت
إلا إني فرحانة عشانك
لأنك بجد للأحسن اتغيرت
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب