الدنيا مولد وماحدش حاسس بينا
ناس ماشية تايهة ناسين الشارع والعنوان
ولو أن العنوان مايتوهش
أصلهم ساكنين فيه من زمان
ويمكن أجيال تاهت وسط الزحمة
ناس بدور على لقمة
وناس بدور على هدمة
وناس كل حلمها تروح بأمان
على فين تايهين ،المهم عاوزين
يوصلوا للمكان
دخلوا زحمة وسوق أعتقدوا أنهم يوصلوا للمراد
لكن اتلفتوا على وشوش منكسه في الأرض لا أمل ولاغرض
المهم والأهم اليوم يعدي وينتهي
أصل كل الأيام شبه بعضها
الكل فاكر أن اللي في السوق تمام
جيبه مليان رايح يجيب لقمة للعيال
لكن يا عيني أن جاب اللقمة لسه هيدور على غموسها
هو مش طمعان في لحمة ولا فراخ
الراجل نفسه في شوية ملح يقوتوه ويقول الحمد لله
ولو حابب يحلي أمله ندعة عسل أسود تضيع طعم الملح واللي كان
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب